樓民,究竟係乜嘢驅使你抽中新盤呀?係錢?定係運啊?原來係行善呀!正當柏傲莊II準備於本周六(7日)推售337伙之際,柏傲莊I大手買家陳先生就分享中籤心得:「成功大手買到柏傲莊真係十分幸運同開心,相信係因為自己經常行善!」原來陳生本身在香港經營口罩生產業務,疫情間已捐出超過100萬個口罩予慈善機構、學校、老人院等。他早前在柏傲莊I次輪銷售時,大手購入4伙3房單位,斥資約6,700萬元,計劃作投資用途:「 項目坐落沙中綫,價錢亦好吸引,等咗佢開售好耐。」
不過,有「幸運兒」即使抽中前籌,亦選擇撻訂離場,令柏傲莊I次輪撻訂單位多達7伙,連同首輪兩伙撻訂,累計共9個單位撻訂。
翻查柏傲莊I成交紀錄冊,上周次輪成交之中,共有7個單位未有簽署正式買賣合約,其中5伙更屬A1組大手客,全部即當撻訂論。7伙撻訂單位成交價由745.2萬至1,957.4萬元,以5%訂金計,每個單位殺訂達37.26萬至97.87萬元,合共殺訂達422.73萬元。
柏傲莊I次輪A1組撻訂:
2A座18樓A室,3房連套房,成交金額19,574,000元,殺訂978,700元
2A座19樓B室,3房連套房,成交金額17,151,000元,殺訂857,550元
3B座16樓B室,2房,成交金額9,630,000元,殺訂481,500元
3B座20樓E室,3房連套房,成交金額12,956,000元,殺訂647,800元
3B座33樓F室,1房,成交金額7,452,000元,殺訂372,600元
柏傲莊I次輪B組撻訂:
3B座39樓D室,1房,成交金額7,927,000元,殺訂396,350元
3B座46樓B室,2房,成交金額9,856,000元,殺訂492,800元