香港雖然在「全球最累城市」中蟬聯第一位，但在香港投資有道的年輕才俊其實也不少，網友Commodus就以「低生活水平國家提早退休討論」為題在網上討論區發問，提早退休有那個國家好選擇？
原文：
相信好多巴絲打今次股市/幣市有好大回報，可能已經達到/接近財務自由。如果想提早退休，有咩國家好選擇？
亞洲：日本、泰國、越南？
歐美：英國、加拿大鄉郊、希臘？
網民點睇：
aleidoscope：準備移民泰國，已買地起屋，4000幾5000呎塊地，連埋起屋都唔駛一球港紙，計過數可以唔做，不過都會開舖試吓 。
唔係熱門區，揸兩個鐘車去曼谷或華欣。
CWYR：希臘堅適合退休，樓又平入籍又容易，生活成本就算雅典都非常容易負擔。
本土食材質素好高，Quality of life 非常唔錯，又有文化底蘊，旅遊勝地大把，唔怕悶。
利伸駐雅典工作過一段短時間 住到唔想走。
跟你學野：好多鬼佬都係去東南亞退休，泰國、馬拉、越南。
租加生活費$1000美金。
我都諗住係咁做，泰國退休簽證要50歲。
WengerBall：歐洲黎講，葡萄牙，物價低、又易入籍、又相對少歧視。
00House：非洲做地主，起個城引外資租鋪，引人消費內循環。