「安心賣樓」?!　心穎BB千萬沽啟德天寰　持貨4年大賺過百萬

自「安心偷食」事件後，黃心穎兩年嚟係娛樂圈得到嘅工作機會係零，佢久未露面去咗邊？原來……係靜雞雞去賣樓！市場消息指，黃心穎持有的啟德新盤天寰2座低層B室，以1,050萬元放售，持貨4年，帳面獲利145萬元，賺足一成七！當年，佢以855萬元購入自住，呢個2房單位實用面積504方呎，今次本來開價1,050萬，最後減到約1,000萬元，據知仲比較同類單位賣平一成，唔通真係咁急住套現，準備「走佬」？