香港工作壓力大不是新鮮事，但加上近2年疫情，打工仔壓力更甚，JobsDB公布最新《招聘、薪酬及福利調查報告》，平均人工加幅只有0.4%，是自2008年以來歷史新低。
有網民以「有無人覺得係香港返工真係搞到人壓力好大」為題，在網上討論區發文，大呻香港打工壓力超大，覺得工作不會有做完的一日，你做得慢，老闆會X你，你做得快，老闆會也不會加人工，只會再「賜予」你更多的工作。
帖文一出一眾打工仔網民也深表認同，有人認為「香港對窮人來說是個地獄」，「想要work life balance真係要移民去外國」，更有人表示，在休假旅行時，被要求帶備手提電腦，隨時收發公司電郵。
原文：
做Full time9am-6pm。
朝早食完個早餐就返工。
6點放工(仲要係你好好彩,老細唔捉住你比你走,做full time基本上都預左遲半個鐘頭收工)。
逼完巴士返到屋企基本上都7點半。
煮埋個飯食完收檯沖涼已經9點半。
然後你就有兩個鐘嘅空閒時間係你果個得500呎，仲要供一世先可以攞到嘅單位度休息。
之後你就可以訓覺準備聽日返工。
你基本上係唔會有你自己嘅人生可言，你嘅人生就係為權貴服務。
然後奢求自己有一日都可以晉升為權貴嘅一份子，去壓榨返班FG。
而且係香港公司(除非你做政府)，否則你係唔會有做完嘢嘅一日。
你做得慢,老細會X你，你做得快，老細會都唔會加你人工，只會再比多啲嘢你做。
所謂高速成長嘅經濟就係靠瘋狂壓榨同犧牲基層人工嘅時間。
香港真係好痴線。