第一季大升(12.4%，連同4月再升2.89%，合共升15.29%)，今年5、6月宜保守一點。
翻查過去十年恆生指數5、6月嘅表現， 我們發覺5月份跌超過 4%及以上有三次，分別係2008年(-4.75%)、2010年(-6.36%)及2012年(-11.68%) 。 其餘，錄得正整回報的年份只有2009年(+17.07%)，2014年(+4.28%)，及2017年(+4.25%)。其餘4 年的5月份分別小幅回落約1% ~2%不等。
歷史雖然唔會簡單重演，但以今年頭4個月的升幅，恆指5、6月份縱使不大跌，我相信也會以反幅橫行為主。
RRG表現，看板塊輪動
其實，上周四、五電訊股同公用股走勢已開始改善，另外就係金融股都見到有資金係流入。從資金流向來看我又不太好擔心指數係會有大幅回落機會，只不過板塊輪動的情況，呢段時間都係又快又急。我個人睇呢29000點呢就係當中比較重要嘅關口，上日期指結算，已看到29000 PUT有一批倉位部署在該水平，28400, 28000同樣有較多倉位部署；而上方CALL 方面30000有較多開倉，再後上每200點都有約1000張合約部署了。故一天未跌破29000點都仍然可以一個健康調整來看待。
美元轉強對新興市場的股市或貨幣不利。大家要重點關注美匯指數97.7呢個水平，因為自去年11月至今四度挑戰呢個水平才成功衝破，反映市場上的風險意識相對過去半年有所上升，皆因股市上升至現水平，美股S&P及納指更創新高，企業業績公佈後，我比較擔心後市推升動力會有多大，畢竟美國10 年債又回到2.5% 水平。所以美匯如果回落至97.7以下，我會樂觀一點，暫時都係會以保守態度看待後市。
如果股市回落呢，我會挑選一些第一季度業績做得比較好的公司。如果短線持有一至兩個禮拜為主的股票，我會揀濠賭股。 第一季以來股市上漲，內地客戶遊澳一定較疏爽，股市都贏咗咁多錢，應該有好大部分內地客戶去到澳門消費娛樂，最直接受惠一定係濠賭股。
金沙中國（1928）剛公布第一季度業績，EBITDA創14年來一季度業績新高，達8.58億美元，超市場預期。賭廳表現中場穩健增長，第一季澳門威尼斯人中場賭枱同比增長21％， 金沙城中心同比增長7％，澳門巴黎人同比增長20％。未來兩年均有新酒店落成，確保增長動力。