本港時事

【網民熱話】專科護士萬5蚊人工 遞信後加到萬8｜入職僅半年應該留低定辭職？
2021-06-30

  很多前輩都說，第一份工作一定最少做滿一年，不然，下位僱主會認為你不夠穩定會輕易辭職，但時移世易，現在是否也一樣？一名在專科診所工作半年的護士，在網上訴苦，說全診所只有自己一位護士，薪金也只有$15500，其餘2位醫生都是骰東，由正常護士工作，Admin、文書、會計、清潔都要一腳踢，因為有新Offer，所以打算辭職，但公司承諾會加薪至$18000，該網友正考慮接還是辭職。 原文： 我本身做專科姑娘 人工$15500返5日半 遞信後為左我留低話加我$2700人工即係大約1萬8 利申： 冇經驗 做左半年 講下公司背景： 間鋪開左幾個月，有2個股東一個醫生 只係請左我一個姑娘，要做晒診所所有你諗到嘅嘢 Admin，由一開鋪到申請所有文件，做HR、供Mpf出糧都係自己出畀自己 Marketing、普通清潔、Account 計診所收入支出，姑娘要做嘅野，訂藥、跟症等都係我一個 個問題係我完全冇任何support。 醫生本身自己有診所，所以都好少係到 一星期得2次2個鐘會過來，其餘時間得我一個，加上其中一個股東移民退股 所以另一個股東話想加我人工留我，但醫生冇話留我 而家公司蝕仲多過賺，因為我覺得佢地根本冇心做，遲啲仲話可能賣俾另一個醫生算 但另一醫生同而家話加我人工嘅股東唔啱，所以話加我人工果個股東最後去向都係未知 而且我冇經驗 一路以黎都冇人教，好多野靠估（2個股東乜都唔識） 佢地成日同客講錯野，我好似負責執屎咁….感覺好差 所以唔知呢間野前路係點。 新公司： 朋友介紹 Education centre嘅manager 底薪$16000加commission好保守估計每月最少$18000 返5日 主要同老師家長溝通 編排課堂，老細移民所以搵人運作間公司 未返過所以知嘅野得咁多，冇醫保冇雙糧 但一定有support過我原本公司 因為起碼有training，同埋係連鎖式經營。 你哋會點揀？ 網民點睇： kk5032019：留多半年，然後再辭職，講真一份工最少做夠一年先好走，成個CV都好睇好多！如果唔係，當到你去其他公司見工時，人事部會覺得你係做唔長果D人，即使你係適合，都有可能唔想請你………….. H2O-：原本諗住唔做，最主要原因係因為： 人工？ 工作上冇支援？ 前景？ 其他？ 答完條問題，基本上已知點揀。 虎門叮噹：有人工加仲辭乜職吖，樹高千丈唯有根深。 iamhohobaba：我係你會走。你走得相信唔單單因為人工，前景，學嘢，行業發展，公司福利等問題你都應該考慮左。既然新公司畀到你想要既嘢，雖然人工又差不多，但返少半天（星期六唔洗返差好遠），仲係做 manager 喎，將來再轉工叫價好好多。所以唔好諗咁多轉工啦。否則之後我覺得你都係會繼續搵工。 ww4565555：份工做2年，份CV就會好睇啲？ [...]

大中華時事

【資本圖鑑】2017 熱門行業起薪點，建造業人工追貼AO！
2017-10-20

香港建造業總工會於本週發表2017薪酬調整報告，指建造業工種平均加薪7.8%，不僅連續九年加薪，加薪幅度亦跑贏大市。 有見及此，《資本雜誌》編輯搜羅不同行業數據，比較發現，若建造業工人開工充足（市旺平均開工15至20日），月入竟追貼AO人工！此外，本文亦整理了各熱門行業的起薪點供讀者參考。 1. 駐院醫生：$59,445 個個狀元都讀醫，到底讀醫有幾好？ 按政府數據，公立醫院駐院醫生起薪點為$59,445（公務員總薪級表第32點）， 頂薪為$109,670 （第44B點）。 而隨住人口老化，醫生職位持續緊張，需求龐大。醫管局年報推算，2021年公立醫院需要3.5萬多名醫生護士，2026年需求更擴至4萬名 ；而未來10年醫科同護士畢業生數量 遠遠未能滿足對醫務人員需求，即使2026年所有醫科生及護士畢業後加入醫管局，亦會出現800多個醫生及1300多個護士空缺。 需求如此大，僱主爭住請，唔怪得狀元個個都讀醫！ 2. 政務主任（AO）：$49445 大學畢業生到底有幾多人想做AO？可能係所有。按公務員事務局數據，去年有1.9萬人應徵做AO（每年八大學位只有約1.5萬個），而AO位只有40個，即係平均475人爭1個位。點解咁搶手？AO起薪為$49,445（總薪級表第27點），頂薪為99,205（第44點），而政府較難受市場衝擊， [...]