香港
臨兵鬥者皆陣列在前!! 龍珠術士李居明損手沽地舖
2020-11-07
臨兵鬥者%@X^。@#&*！！哎呀，經濟咁差，今次亂嗑廿四都救唔到個市了~~ 話說早幾個月前教人睇龍珠抗肺炎、對住口罩畫手印嘅玄學術士李居明，最近被發現蝕賣舖位，有專家估計，佢至少要勁蝕一半先甩到手！ 市場消息指，旺角花園街125號龍旺大廈地下D1-(3)號舖正在市場放售，舖位面積約200方呎，門闊10呎，深16呎，現由時裝店以每月4.5萬元租用，租約期至2021年7月屆滿，現正叫價1,900萬元。資料顯示，舖位業主為李康華（李居明原名，屬同一人），於2012年11月以3,200萬買入上址，若以叫價成交，已要帳面勁蝕1,300萬元或逾四成。 不過，有專家指，「該舖無水無電，好難搵人接貨，唔明點解佢（李居明）會用3千幾萬買」，估計該舖最終要劈價至1,500萬至1,600萬元，先會有人承接，即李居明好大機會要損手一半離場。 若以現時月租及叫價計算，上述舖位租金回報率約2.84厘；若以專家估值推算，該舖租金回報可達3.38厘。不過現有租約期尚剩半年左右，因此前途未卜。 順帶一提，李居明身份多多，除了係風水術士、地產投資者等等，仲係知名粵劇編劇，近期代表作有《粵劇特朗普》、《毛澤東》等天馬行空之作。 [...]
