專題

【網民熱話】一間公司規模大唔大，睇飲水機就知？

網友「起一飛」發現一間公司夠唔夠大型，又或者有冇發展前景，重點並唔係間公司係乜地段，有幾大之類，反而係個飲水機。 根據他見工的經驗，大約分為以下三種公司，你又看看是否同意他的看法。原文如下︰ 一︰冇飲水機 呢個真係好少數，見親真係好伏，公司年資 OVER 十五年，但係公司細，人小，辦公室好亂，冇乜前途，基本上都係等死嘅公司，唔當員工係人，如果好少少公司就會有支裝水比員工拎，不過呢種好多時都係外出工作多先係咁。 如果大家見工見到呢種公司，可以唔洗咁比心機面試，因為一來開唔到高價比你，二來間公司都好快玩完。 二︰要換水嘅飲水機 無論係抬上去換嗰隻，但係下面換嗰隻，都係叫做「要換水嘅飲水機」。呢類公司一般都係中小企，如果係啱啱畢業嘅大學生可以考慮下做一年，都係一年好啦。 如果公司寧願員工花時間換水，都唔肯比多少少錢換部水機，即係公司唔介意你浪費時間，拎經驗係唔錯，不過個老闆就會比較保守，做嘢都會限手限腳。 三︰唔洗換水嘅飲水機 呢類仲有分兩種，一種係普通放係枱面上面，呢啲一般都係幾千蚊左右，另一種係座地接水喉有濾芯嘅飲水機，睇唔同型號，我見過有間大公司部飲水機都成萬蚊，仲要有幾部係度。 呢啲公司一般都對員工唔差，你諗下飲水呢啲基本需要都唔想你花太多時間同用力，比部靚水機比你，飲啲水又滑啲順啲甜啲，如果見到呢啲公司，打醒十二分精神，因為人工一定夠高。 [...]