買二手單位時最重要是「議價」，而議價過程會出現很多爭拗，有網友在網上討論區分享跟業主議價的情況，覺得自已每次都被業主「食住」。
該網友表示，參觀前自己做足功課，為不同座向的單位選定了幾個價錢，睇了4個單位，其中兩個開價高銀行估值10多萬元，網友還價10萬元即不足2％，但業主一律「say no」，價位企得非常硬。
該網友亦看了另外兩個單位，一個位於高層，該業主定價高過其他業主約30萬元，網友還價20萬元，這次業主有還價，說最多減5萬元，之後經紀跟該網友說，若網友出價達不到業主心目中的價錢，業主會將單位轉為出租。
最後一間裝修殘舊，價錢最便宜，亦最多人參觀，但還是高過估價及網友自己目標價，過不到自己那關，放棄。
最後網友表示，經紀扮到好像站在買家那邊，到找經紀談價錢時，又說無能為力，業主那個那個，市場怎樣怎樣，好像迫你一定要接受不合理價錢。
網民點睇：
CharonIV：可以唔買住, 唔好亂咁俾個氣氛影響, 睇定少少。
Polyglot：最緊要心平氣和，睇啱自己鍾意嘅，貴十萬其實問題唔大，唔好俾個氣氛影響到，為買而買。
Efored：高層景唔錯，一開始鋤佢廿個佢唔肯，佢還10個，再試下鋤多5個，始終唔肯，最後成交比佢開價平14個另外捽左AA佣減半。
我唔賣比你：其實你買樓想平過估價或者同估價一樣我點解要同你傾 ?
MUSK：1000萬以上好易傾價冇人睇，500萬好難傾價大把人睇，睇你買咩樓。
有需要嗎：你唔應該用估價來比較，臨約前的估價和臨約後可以差好遠，你應該仲同大廈或同屋苑同座數差唔多樓層去比。
韻是故意不押的：而家個市咁旺，好正常，有膽就等下，無膽就有BUDGET上咗車先。