在2019年10月政府於施政報告中，提高自住物業的按揭成數上限：800萬以下物業最高可承造九成 ；800至900萬可承造八至九成；900至1,000萬最高可承造八成。
早前有網民忽發奇想，在討論區問，將來上車盤會否推至800萬或以上？
網友原帖：
9成按揭放寬到800萬 好多人講第時啲樓就會推上呢條線，呢一刻睇，總係覺得無可能，完全想像唔到。
但幾年前一樣無諗過依家啲上車盤會上到500-600萬。
好想知大家點睇？利申已上車，想將來換樓。
網民點睇：
齊歡暢 ：以前2，300萬都唔覺得會升上6，700萬架啦，結果呢？
長期燥底：所以今日買得起樓但係嫌貴唔買嘅人，第日想買果陣就只會要捱更貴嘅樓價。
中伏者1號：應該點都要同人工成個比例比你層樓升左，賣完樓有3/400萬cash下一間普通半市區3房要1500萬，你都供唔起啦，最主要係睇市區至半市區2/30年樓齡既2房同人工比例而加大約600萬我理解唔計通漲，600萬仲好有條件升到800萬做1成首期再兩公婆搵7萬蚊比你供3萬上會。
薩爾達聞X：有資產既,，資產升值只會不斷pump 大佢地既首期，長遠樓既價值就係佢地決定, 而唔係用人工黎決定。
醉愛香港：將來一定會，假設樓市按揭及供應政策不變，好簡單！唔單單係樓價，任何野都會有inflation，十年後譚仔$100 碗米線都係合理。
破落我城 ：應該會升到2000 萬， 趁700萬平平地已入市。
extrashot：過去1年ｄ 股， 幣， 撈 升咁多， 唔能夠預期炒股賺一筆之後ｄ樓價完全唔郁吧。