年少總是輕狂，只會記得及時行樂，但盡情玩樂的時候，有否為了10年甚至20年後生活作打算？
有網民在討論區以《後生真係唔好太大洗 否則45歲後條路好難行》為題發帖，勤告年輕一代不要先洗未來錢，應及早儲蓄及適當投資，否則人到中年，因為年紀開始大，就業情況會變困難，又要面對家庭壓力，往後的日子會很艱苦。
網民點睇：
chandaiman05：而家後生係「及時行樂」態度。
rockethardan：樓主真係講得好啱，我好少喺呢類post留言，但係真係值得講兩句，後生真係唔好太過揮霍，要有點積蓄，否則晚年會好辛苦及好痛苦，我26歲先開始儲錢，到而家接近40歲，雖然都仲係打工，但係唔需要有柴憂米，老婆仔女唔使捱餓， 我見到同齡嘅同學仔或者同事生活真係好慘，搵得一蚊得一蚊用， 所以各位巴打絲打 真係要好好儲蓄，未來先至唔會後悔錯過年輕的自己⋯⋯
長大的豬：重有係唔好亂去投資，學識真正賭場遊戲規則， 唔做中唔做保唔做媒人三代好！
goldenfat：應該30歲開始儲錢理財，40歲要諗財務自由，50歲準備退休。
黃昏的自信：後生養成儲錢習慣係基本嘢，唔好成日問儲嚟做咩，有錢係身點都好過無錢係身，人工低可以儲少啲，人工高就儲多啲，而家嘅後生仔好多人都唔明呢個道理。
barlowyau：後生時最重要係自己識唔識得諗，有冇清楚目的，人食幾多做幾多係整定，後生掛住玩，淨係專注打機，到老時咪要做到趴街囉。