打工他壓力大人所共知，有時還要面對上司/老闆的無理指摘及要求，網友【考牌官210】在網上發文，問一眾網民《返工最勁試過點駁咀？》，作為區區一名打工仔，面對無理指摘你會選擇無視、啞忍，還是即場反駁？
原文：
因為公司成日都好嘈，我習慣都單耳戴住耳機做緊野，
老細無啦啦叫我，想問啲野咁╴咁佢又叫左我2，3聲 （正常音量）
我都冇為意，要旁邊同事同我講先知，
去到佢果到，可能佢股市唔順定點，
有啲火咁問我，岩岩聽唔聽到我叫你？
我又咁岩口快快答左佢，
真係聽唔到，聽到就應左你啦。
網民回覆：
Binc馬：老細同我講行行出狀元，我就話，狀元得一個幾時輪到我。
搬龜頭砸石頭：有一次老闆話：「點解會發生咁嘅事，點解會錯？有冇帶個腦番工？」 我話，有咩人會明知道做錯都照做呀？知道就唔會錯啦，你都多舊魚！事後被針對咗半年，做乜小乜，兼無薪酬調整。
而我不知道鳥：有次同事做錯野，上家爆seed鬧我同事「叫你出糧個個落嚟開會！」，於是我同事傻下傻下就直接係大group bybass咗佢直屬上司，直接叫大老細落黎開會。 直屬上司睇到msg就小佢「你會唔會先同我單聲等我了解下咩事先嗌老細。。。」 我個同事又傻下傻下咁答佢「咩呀，人地叫出糧個個吖嘛，你而家出糧俾我咩？」 個直屬上司鬧到佢成層都聽到。
喜多川歌麿：早排成日有西客亂投訴，咁呀頭屎忽痕落嚟睇我哋做嘢，睇咗一陣加把口埋嚟話：「咁簡單，兩分鐘都唔使搞掂，我做都得啦！」我嗰下唔理個客，即刻答呀頭：「好呀，幾時？睇你表演呀大佬。」
洩家燕：最勁嘅駁嘴唔洗串，同腦細講道理就已經係串，態度平和、語氣平淡，Appraisal都會寫成辦事能力低，同同事關係差，態度囂張。