自疫情出現以來全球經濟受到嚴重打擊，不少企業大裁員、減薪，甚至結業，當然香港也不能幸免，公務員凍薪，打工仔手停口停已不是新聞，有細心市民留意到，每次經濟不景的時候，平價的「兩餸飯」會再大規模出現，總有一間在附近，有網民留言表示「三十多元有兩餸，有飲品，對基層來說是福音」，也有網民反駁「一個人住，好又一餐，不好又是一餐，懶得煮」，大家記得在疫情前光顧廉價「兩餸飯」是甚麼時候？
網友點睇：
SHUFFLING：物價開始走高，尤其食材成本，基層明顯無係呢場資產價格上升走勢上有任何得益，人工無上漲、生活成本就係咁升，被迫開始轉去低級消費，呢種趨勢會慢慢散開去更大嘅範圍，香港已經慢慢走緊去滯漲，榨乾消費力。
比卡超車車：今鋪真係要怪美國印咗咁多錢，美國救市規模係全球最大，而且港元同美元掛鉤，對香港嘅影響係首當其衝。
豬席我發炎鉛筆：＄3X 蚊兩餸有紙包飲品，仲可以多飯，如果真係低下階層，分分鐘可以食到兩餐/夠兩個人食，其實對佢地嚟講平過自己買嘢煮。
magical：唔洗買餸，洗同煮，已經贏左好多時間。
SHUFFLING：所謂既兩餸飯平唔係因為食材平，而係整體質素下降，先導致個售價平咗，所以話係低級消費係無錯，有啲巴打可能本身洗費都係啱啱好嘅月光族應該會有好大嘅感覺。
躺平達人 ：慳咗租同樓面，又食正外賣潮。
菊花樹下：而家好多兩餸飯嘅舖位本身係茶餐廳，茶餐廳呢幾年愈來愈貴，無人幫襯結果又執晒，轉晒做兩餸飯仲好賺。