網友大痣若元在網上發帖，說現在香港生小孩的成本很高，生前生後完全2個世界，不止沒有私人時間，每月洗費也幾何級上升，他歸納了以下5點，如果任何一項做不到，就不要生小孩。
原文：
住屋
未生之前，間屋4-5百尺尺2個人住，都覺得住得幾舒服。生完之後連埋工人，變咗4個人住返同一個size，真係覺得迫好多，而且個仔啲嘢仲多過我，成屋都係雜物，搞到個人都壓迫好多。
照顧
生完個仔又需要有人睇，焗住請個工人照顧個仔。工人除咗人工仲佔你伙食，全家去玩都要預埋佢。又要抽好多時間教個仔同陪佢玩。
時間
未生之前，兩個人放假可以出去hea吓，食吓high tea。生完個仔基本上同返多份工冇分別，平日放工返屋企湊到佢訓，半夜又係咁醒，工人放假嗰日仲要湊足全日。而且要經常帶個仔出去玩堆你唔想玩嘅野，無哂私人時間。
供書教學
學吓興趣班，入間好少少嘅幼稚園，買吓兒童野，基本上洗多成萬一個月。
飲食
生完仔，食材又要高一個class。唔出街食嘅話，生果，肉類全部買返靚同安全嘅食材，食物又比以前貴一截。
本來辛苦少少，俾多啲錢都算，但現在仲要考慮埋移民。
所以生仔唔單止要有錢，仲要付出好多愛同耐性，任何一點做唔到都真係咪生，害左個細路。
網民點睇：
