香港

奇幻置業攻略 — 年輕道友吸毒死過翻生　最後竟揸兩層樓??　原來因為做過呢種事……

夜欄人靜月黑風高，又係時候同大家講……買樓。話說小編昨晚得閒無事睇電視，睇到靈異節目竟然講述一個置業故事：一位年輕「道友」以前經常吸毒，有次仲搞到差啲「瓜柴」，死過翻生後「轉死性」做咗呢種事，最後擁有兩層樓…… 昨晚（3月19日）由「鬼王」潘紹聰等人主持的viuTV靈異節目《晚吹 – 總有一瓣喺左近》，請來Super Girls成員Aka趙慧珊分享靈異經歷，其中一個故事就關於她的攝影師朋友。 Aka的攝影師朋友小時候在外國讀書，染上毒癮，經常吸毒。一日，攝影師與他一位好友在Disco吸毒過量，更昏迷癱例在舞池上。突然，他們一齊坐起身，望著對方，問：「我們死了嗎？」原來他們當時靈魂出竅（聲稱），看到自己身體躺在地上！正當他們猶疑時，突然環境一變，他們跳到一條長長的下行樓梯，身邊有不少木無表情的人跟他們一起，不停往下落樓梯。走了一段很長…很長…的時間，大概過了一小時左右，他們看到一道門，便伸手往門內試探，手竟然瞬間消失！攝影師即刻跟好友說：「死喇，我哋應該落地獄喎！」兩人隨即在門前不斷祈禱，更不停懺悔說：「對唔住啊，我呢世人真係冇乜做過好事啊！」講出自己做過的所有壞事。然後他們倆就手牽手，數3聲便跳進門內……之後他們就齊齊甦醒（物理上），再次齊齊坐起身，互相望著對方，確認剛才「一起」經歷過的靈異事件，結果竟然通通對應！自此之後，攝影師每當聞到毒品便即時作嘔，又稱在街上見到好多靈體，而更詭異的是，他竟然開始變得喜歡做善事，最後……他有兩層樓！ 原本欠落一屁股債的攝影師，現時不再吸毒，不斷做善事，又對人友善，更擁有兩層樓。另一位朋友雖然同樣死過翻生，不過就無攝影師咁大命。那位朋友之後去了美國，惟因交通意外過身。 小編想起去年新世界柏傲莊第一期開賣時，有中籤買家指「抽到樓是神的安排」、又有買家表示買到樓是因為「經常做善事」，莫非買唔買到樓，真係同做「善事」有關？不過，小編認為，上述攝影師戒毒後就買到兩層樓，正正反映吸毒昂貴兼浪費金錢！原來戒毒就買到樓，效果仲好過去少兩轉日本旅行！但善事始終是善事，所以多做亦無妨。最後提提大家，鬼神之說非精密科學，大家切勿迷信；而生命亦無take two，大家切勿濫用藥物！ [...]