不少香港人買樓除自住外，還有投資用途，有業主在網上發問，想細單位換大單位，到底樓價升時換好，還是樓價跌時換好。
原文：
假設想細樓換大樓 樓價升定跌好呢？有人覺得你層樓升人地層樓又升，貴啲嘅樓升嘅數值仲大，供款大得仲多，你人工唔夠仲難買，又有人覺得你層樓升值後你套現會得到大筆好大既首期，層樓升200萬你就多200萬現金，會易左買貴啲既樓，我個人比較認同後者，大家點睇？
網民點睇：
大白套：賣果間跑贏想買果間就得，分分鐘有錢剩，睇你接唔接受到。再高技術D，摸頂沽，撈底入，你課金我再講多D。
還我自由：一定係後者兩者都係加大槓杆，換做股票概念，即係加倉。咁你覺得應該跌時加，定升左先加？
林祖舜：假設按8成 5%印花 細d既100個，大d既150個 一儲夠25個即入市 當你第二日即刻爆升/跌，因為唔想計利息支出乜乜柒柒 升30%，賣完細既130-80=手拎50個買大既要60個，如果手頭上有多10皮，一早直接買150萬個單位好過啦 跌30%，賣細既先要嘔10個出黎先夠還返舊按揭。
康城奇俠：你話我馬後炮都係咁話，換樓係升市先易做到 以現今按揭黎講，先搵5-6M樓上車，再aim換現值8M既樓 到你層樓升到大約7M左右，賣左佢連埋原本首期，應該大約有2M左右現金； 咁當時8M既樓如果仲未升穿10M，你就應該夠首期換。
KAON：如果真係想搬大啲豪啲，梗係唔想大升啦，自己嗰層升 ($5m -> $10m)，但係想換果層升得仲勁 (Lum sum 計, e.g. $20m -> $40m or even more) 當5-8年後換，我5-8年人工升四倍都唔夠買 / 或者唔想咁買。
你想與現實：講升果d肯定智障，例設你買層500萬樓供左80％後想換樓，如果樓價升50％你賣完之後有650萬，之後你想買1500萬既dream house（原本1000萬），你要補850萬先買到，如果樓價跌50％，你賣左層樓之後有150萬，之後你補350就買到dream house，不過最重要都係你有幾多本，如果你all in晒身家係層樓到，樓價跌會負資産梗係樓價升好。
你而家想點?：細換大 (銀碼)，就梗係想佢跌…..跌市你個差距先縮細。