有網民在網上討論區問網友，打算3年後才與女友女結婚同居，應該馬上買樓還是3年後結婚/同居時才置業。
先說明一下男網友的財政狀況。
男網友與女友大約25歲，由中學拍拖都現在，感情穩定，2人合共月入有約6萬5千元， 如果有bonus 可達7萬的穩定收入，每個月可儲3.5萬，加上本身自己有100萬，網民自己計過如果用盡9成按揭，應可買到600-650萬的單位。
但問題是他與女友未有同居/結婚的打算，最快都要3年後，預計3年後可以儲到約200萬，就算樓價升都有能力買得起。但網民怕3年後，到時會買貴樓，還是應該趁手頭上有錢，先買入單位再作打算？
網民點睇：
RSH ：6m移民去非洲都買到成個草原，仲買港樓人傻錢多。
租租戰勝歸來：感情未穩定/未plan 結婚就一齊置業，好麻煩。
愛鼓沺雞脾：你個CASE我意見係唔買，原因得一個就係你地既關係，無論幾深愛住雙方既情侶一反轉豬肚都會係屎，呢刻上唔上車你應該考慮三年後你地仲係唔係一齊比樓價升趺更重要。
Chelsea_bb：未結婚唔好買，分手好煩，如果覺得一定唔會分就結婚啦，就算你好鐘意個女仔難保個女仔出面識第二個。
朱利亞蘿蔔糕：樓主應該諗下，一陣條女覺得個個月無一皮，又借d意供少d 你要揹埋條數，層樓落邊個名？第時分手點分層樓？平分定點 稅又要俾幾廿萬，你想賣 但佢想keep咁點？ 你會無左首置quota。
男人一支花：買樓都要花好多時間學習，得閒留意下， 搵下地區睇下樓，準備Plan結婚先買樓，始終未結婚存在較大變數，唔好寫2個人名， 寫1個人名就夠，離婚都係一人一半身家。