有男網民一年多前豪花約1,000萬元，購入600方呎左右單位，由該單位出門5分鍾即到地鐵站，可說非常方便。最近該網民打算與女朋友一起入住上址，試試同居之餘又可得到更多見面機會。
但未來外父一聞訊即坦言，不希望自己女兒住600方呎「小單位」，更直斥未來女婿，指「要同居就要買個大單位給女兒住」。
最後未來外父竟打算，真金白銀買一個大單位贈予女兒，單位擁有人將寫上女兒名字！該名網民正煩惱，應否接受外父單位，還是堅持入住自資但面積較細的單位？
網民點睇：
R18A1：未結婚咪聽住先，外父咁好話出錢買樓，一定支持先，你住女朋友大屋亦有自己樓，你果間600咪keep住收租，Win win！
正確洗手方法：外父買得起咁大單位即係本身都有錢，除非你屋企係有錢過佢哋，如果唔係點都係會俾外父睇低㗎啦唔關間屋事。
固定在牆上：梗係要。第一，你有咩理由拒絕？同外父講你要面？第二，老人家一番心意，你唔接受父幹佢反而唔高興。第三，你又有層樓收租，一人一層，講出嚟你算不失霸氣。
瘋狂的毒Ｘ：即刻陪外父去睇樓，深水灣3000呎獨立屋就最好。
吳夏榮男友：600呎真係細，起碼800先叫接受到。
流水無心：年少不知富婆好，錯把少女當成寶。