本港時事

【網民熱話】網民奉勸:後生真係唔好太大洗|要好好儲蓄 否則45歲後條路好難行?

年少總是輕狂,只會記得及時行樂,但盡情玩樂的時候,有否為了10年甚至20年後生活作打算? 有網民在討論區以《後生真係唔好太大洗 否則45歲後條路好難行》為題發帖,勤告年輕一代不要先洗未來錢,應及早儲蓄及適當投資,否則人到中年,因為年紀開始大,就業情況會變困難,又要面對家庭壓力,往後的日子會很艱苦。 網民點睇: chandaiman05:而家後生係「及時行樂」態度。 rockethardan:樓主真係講得好啱,我好少喺呢類post留言,但係真係值得講兩句,後生真係唔好太過揮霍,要有點積蓄,否則晚年會好辛苦及好痛苦,我26歲先開始儲錢,到而家接近40歲,雖然都仲係打工,但係唔需要有柴憂米,老婆仔女唔使捱餓, 我見到同齡嘅同學仔或者同事生活真係好慘,搵得一蚊得一蚊用, 所以各位巴打絲打 真係要好好儲蓄,未來先至唔會後悔錯過年輕的自己⋯⋯ 長大的豬:重有係唔好亂去投資,學識真正賭場遊戲規則, 唔做中唔做保唔做媒人三代好! goldenfat:應該30歲開始儲錢理財,40歲要諗財務自由,50歲準備退休。 黃昏的自信:後生養成儲錢習慣係基本嘢,唔好成日問儲嚟做咩,有錢係身點都好過無錢係身,人工低可以儲少啲,人工高就儲多啲,而家嘅後生仔好多人都唔明呢個道理。 barlowyau:後生時最重要系自己識唔識得諗,有冇清楚目的,人食幾多做幾多係整定,後生掛住玩,淨系專注打機,到老時咪要做到趴街囉。   [...]

博客

植耀輝: 聯儲局維持息率不變 A股續左右港股去向

美國聯儲局議息後維持息率不變,並維持1,200億美元買債規模,但點陣圖預視2023年將開始加息,三大指數均見回落,當中道指收報34,033點,下跌265點或0.77%,標普500指數收報4,223點,跌22點或0.54%。納斯達克綜合指數收報14,039點,跌33點或0.24%。另外,聯儲局將2021年PCE預期從2.4%上調至3.4%,核心PCE則從2.2%上調至 3%;2022年PCE則由預期之2%上調至2.1%。至於今年GDP則預期由6.5%上調至7%。 至於港股連續第二個交易日下跌,大市稍稍低開後雖一度倒升,但在A股走勢轉差,同時個別權重股如美團(03690)及阿里(09988)走勢疲弱,加上個別板塊跌勢亦見加劇,令恒指一度低見28,403點,最終收報28,436點,下跌201點。全日成交1,383億元。 值得留意的是A股表現,特別是昨日港股午市後走勢轉差,或多或少是受A股拖累,而北水淨流出亦對投資氣氛有一定影響。如短期A股續見調整,恒指或有機會考驗28,200點,亦即上月下旬之低位。一旦失守該水平,則港股或會進一步下試27,700-28,000點,亦即14/5之低位。 股份方面,則不可不提時代天使(06699)。昨日收報401元,較招股價大升1.3倍,每手賺45,600元。股價大升某程度上反映其業務獨特性,但更大因素在於街貨不多,令股價變得相當「好炒」。當然,有大行預期內地牙齒矯視發展未來將有可觀增幅,部分更預期未來10年行業增長以倍數計,只是時代天使本身估值已不便宜,在急升後變得更不值搏,反而由於升幅已鉅,建議仍持貨者可考慮先行沽貨獲利。 筆者並未持有相關股份 [...]