電子貨幣大行其道，有部手機就可以解決大部分支付。不過，現金始終有其重要性，去櫃員機提款都屬必須，但原來今時今日忘記帶提款卡，都可以用部電話搞掂！
渣打銀行本於3月18日正式推出二維碼（QR Code）提款功能，客戶只需用手機App，在自動櫃員機上掃描屏幕上QR碼，就可以做到無卡提款，整個過程一分鐘內可以完成。
用手機拎錢最怕是保安問題，原來過程中已設有多重保安，提款前要以密碼、指紋或面容識別登入，提款後亦有短訊提示，而每日提款額的上限定為一萬港元，所以都非常安全。服務亦支援人民幣、支票、存款戶口及信用卡戶口。
現代人一向機不離手，如今連提款都可以用手機進行，手機分分鐘重要過銀包了。